बागलुङमा "प्रजनन स्वास्थ्य समन्वय समिति" गठन
जिल्ला समन्वय समिति प्रमुख श्री अमर बहादुर थापाको अध्यक्षतामा मिति २०७९/१०/२७ गते बागलुङमा "प्रजनन स्वास्थ्य समन्वय समिति" गठन भएको छ | जिल्लाको समग्र यौन तथा प्रजनन स्वास्थ्य सुदृढिकरणको लागि आवश्यक सहयोग प्रदान गर्नका लागि जिम्मेवार निकायका अधिकारी तथा विज्ञहरु सम्मिलित समिति गठन गरी कार्य गर्न वाञ्छनीय भएकाले, स्वास्थ्य कार्यालय, बागलुङले निर्देशिका बमोजिम यो समिति गठन गरेको छ | जसमा जिल्ला समन्वय समिति प्रमुखको अध्यक्षतामा प्रादेशिक अस्पतालका मे.सु, जिल्ला शिक्षा तथा समन्वय ईकाइ प्रमुख ,नेपाल रेडक्रस सोसाईटीका प्रतिनिधी , सम्बन्धित वडाका अध्यक्ष र पब्लिक हेल्थ नर्स सदस्य साथै स्वास्थ्य कार्यालय प्रमुख सदस्य सचिव रहने गरि समिति गठन भएको छ| समिति गठन संगै यस समितिको काम , कर्तब्य, र अधिकार सम्बन्धि TOR तयार गरि छलफलसहित अनुमोदन गरियो| समितिको काम, कर्तब्य, र अधिकार अन्तर्गत जिल्लाको यौन तथा प्रजनन स्वास्थ्य तथा अधिकारका क्षेत्रमा प्राबिधिक सहयोग, समन्वय, सहजीकरण र अनुगमन तथा सुपरिबेक्षण गर्ने, तथ्यांक बिश्लेषण र मुख्य सूचाकहरुको आधारमा समस्या पहिचान गर्ने,अध्ययन-अनुसन्धान मा आवश्यक सहयोग गरि जिल्लाको यौन तथा प्रजनन स्वास्थ्य सेवाको समतामूलक पहुच र गुणस्तरियताको लागि पैरवी गर्ने आदि रहेका छन्|
कार्यक्रममा धौलागिरि अस्पतालका मे.सु. डा. अमित ढुंगानाले अस्पताल बाट दिइरहेका प्रजनन स्वास्थ्य सेवाको बारेमा बताउनु भयो| शिक्षा तथा समन्वय इकाई, बागलुङका प्रमुख कुस्म राज उपाध्यायले किशोरकिशोरी यौन तथा प्रजनन स्वास्थ्य प्रबर्द्धन को लागि बिद्यालयका ८-१२ कक्षा बिध्यार्थिहरुलाई केन्द्रित गरि बिद्यालय नर्स मार्फत सचालन गर्दा प्रभावकारी हुने कुरा बताउनु भयो| साझेदार संस्था, FAIRMED/BYC/RHIP आफ्नो कार्यक्षेत्र तथा अवस्थाको जानकारी दिनुभएको थियो|हरेक चौमासिकमा नियमित र आवश्यकता अनुरुप अन्य समयमा पनि बैठक संचालन गर्ने निर्णय सहित आजको बैठक समापन भएको थियो|
जिल्ला समन्वय समिति प्रमुखको अध्यक्षतामा देहाय बमोजिमको समिति गठन हुनेछ।
१, जिल्ला समन्वय समिति प्रमुख अध्यक्ष
२, धौलागिरी अस्पतालका मे.सु सदस्य
३, जिल्ला शिक्षा तथा समन्वय ईकाइ प्रमुख सदस्य
४, नेपाल रेडक्रस सोसाईटी प्रतिनिधी सदस्य
५, सम्बन्धित वडा अध्यक्ष सदस्य
६, पब्लिक हेल्थ नर्स सदस्य
७, स्वास्थ्य कार्यालय प्रमुख सदस्य सचिव
आवश्यकता अनुसार प्रजनन स्वास्थ्यमा सहयोग गर्ने संस्थाहरु आमन्त्रित सदस्य
रहनेछन।
.jpg)
Download: बागलुङमा "प्रजनन स्वास्थ्य समन्वय समिति" गठन
110