बरेङ गाउँपालिकामा पूर्ण खोपको समीक्षा एवं अभिमुखीकरण
स्वास्थ्य कार्यालय बागलुङको आयोजना र बरेङ गाउॅं पालिकाको समन्वय र सहकार्यमा पालिका स्तरीय पूर्ण खोपको समीक्षा एवं दिगोपना तथा सरसफाई प्रवर्द्धन सम्बन्धी अभिमुखिकरण कार्यक्रम सम्पन्न भएको छ ।
बरेङ गाउँपालिकामा संचालित पूर्ण खोपको समीक्षा तथा पूर्ण खोप दिगोपना र सरसफाई प्रवर्द्धन सम्बन्धी अभिमुखिकरण एवं योजना तयारी गोष्ठी कार्यक्रम बरेङ गाउँपालिकाका उपाध्यक्ष आदरणीय श्री दिलिप कुमार पुनको अध्यक्षतामा सम्पन्न भएको हो ।
कार्यक्रममा सि.अ.न.मी. सजना थापाले स्वागत मन्तव्य एवं कार्यक्रमको उदेश्य माथि प्रकास पर्नुभएको थियो । स्वास्थ्य कार्यालय बागलुङका खोप सुपरभाइजर राजु खत्रीको सहजिकरणमा खोपको महत्व र खोप बाट वन्चित हुँदा भविष्यमा हुनसक्ने स्वास्थ्य जटिलता तथा वडा र पालिकालाई कसरि पूर्ण खोप सुनिश्चित गर्न सकिन्छ भन्ने बारेमा छलफल चलेको थियो । कार्यक्रममा बरेंङ गाउपालिकाका विभिन्न वडा कार्यालयका अध्यक्ष, स्वास्थ्य संस्थाका प्रमुख एवं पालिका खोप समन्वय समितिका पदाधिकारीहरुको उपस्थिति रहेको र सबै जना मिलेर आफ्नो वडा र पालिकामा कुनै पनि बच्चा खोप बाट बन्चित हुन नदिने गरि समन्वय र सहकार्यमा काम गर्ने प्रतिबद्धता समेत व्यक्त गर्नुभएको थियो।
कार्यक्रमको समीक्षात्मक टिप्पणी तथा सुझाव स्वास्थ्य कार्यालय बागलुङका प्रमुख श्री प्रविण शर्माले गर्नुभएको थियो भने कार्यक्रमको संचालन पालिका स्वास्थ्य शाखा प्रमुख श्री पदम बहादुर थापाले गर्नुभएको थियो ।
Download: बरेङ गाउँपालिकामा पूर्ण खोपको समीक्षा एवं अभिमुखीकरण
47