स्वास्थ्यकर्मीको लागी PEN Package तालिमको दोस्रो ब्याच सम्पन्न
स्वास्थ्य कार्यालय बागलुङको आयोजनामा स्वास्थ्यकर्मीहरुका लागि नसर्ने रोग सम्बन्धी ४ (२०७९/१२/८ देखी ११) दिने PEN Package Training को दोस्रो ब्याच गलकोटमा सम्पन्न भएको छ । तालिममा बागलुङ जिल्लाका ९ वटा स्थानिय तहका २६ जना स्वास्थ्यकर्मीहरुको सहभागिता रहेको थियो।
न्यूज कभरेज: गलकोट एफ.एम
गलकोट नगरपालिकामा सञ्चालित स्वास्थ्यकर्मीहरुको लागि नसर्ने रोग सम्वन्धी ४ दिने तालिम सम्पन्न भएको छ ।
स्वास्थ्य कार्यालय बागलुङको आयोजनामा गलकोट नगरपालिकामा बागलुङ जिल्लाका ९ स्थानिय तहका स्वास्थ्यकर्मीहरुको लागि गत चैत्र ८ गतेबाट सुरु भएको नसर्ने रोग सम्वन्धी ४ दिने तालिम आज सम्पन्न भएको हो ।
कार्यक्रममा स्वास्थ्य कार्यालय बागलुङका प्रमुख प्रविण शर्माले सरुवा रोगको भन्दा नसर्ने रोगको प्रकोप बढेको भन्दै यसलाई समयमै पत्ता लगाई न्युनिकरण गर्न यस तालिमले महत्वपुर्ण भुमिका निर्वाह गर्नेमा आफु विश्वस्त रहेको बताउनुभएको छ । उहाँले मानिसहरुको दैनिक आहार र विहारमा परिवर्तन गर्न सकेमा नसर्ने रोग नियन्त्रण गर्न सकिने बताउँदै यस तालिम लिएका स्वास्थ्यकर्मीहरुले स्वास्थ्य संस्थाहरुमा सर्ने रोगको मात्र नभई नसर्ने रोगको समेत पहिचान र रिपोर्टिङ गर्न सक्ने बताउनुभएको थियो ।
बागलुङ जिल्लाका ९ स्थानिय तहको २६ जना स्वास्थ्यकर्मीहरुको सहभागितामा सञ्चालित तालिमको स्वास्थ्य कार्यालय बागलुङका क्षयकुष्ठ निरीक्षक देव प्रकाश घिमिरे, गलकोट नगरपालिकाका स्वास्थ्य शाखा प्रमुख सुशिल पौडेल, बागलुङ नगरपालिकाका जनस्वास्थ्य निरीक्षक लक्ष्मण ढकाल, तमानखोला गाउँपालिकाका स्वास्थ्य संयोजक तिल बहादुर छन्त्यालले प्रशिक्षण गरेको स्वास्थ्य कार्यालय बागलुङले जनाएको छ ।
तालिमको समापन कार्यक्रममा गलकोट नगरपालिकाका स्वास्थ्य शाखा प्रमुख सुशिल पौडेल र सहभागिले मन्तव्य राखेका थिए ।
तालिमको समापन कार्यक्रम स्वास्थ्य कार्यालय बागलुङका प्रमुख प्रविण शर्माको अध्यक्षता र बागलुङ नगरपालिकाका जनस्वास्थ्य निरीक्षक लक्ष्मण ढकालको सञ्चालनमा सम्पन्न भएको थियो ।
.jpg)
Download: स्वास्थ्यकर्मीको लागी PEN Package तालिमको दोस्रो ब्याच सम्पन्न
36