दादुरा-रुबेला खोप अभियान सम्बन्धि अभिमुखिकरण सम्पन्न
स्वास्थ्य कार्यालय बागलुङको आयोजनामा यही मिति २०८० साल फागुन १३ गतेदेखि देशव्यापी रुपमा संचालन हुन गईरहेको दादुरा रुवेला खोप अभियान २०८०/८१ सम्बन्धी स्वास्थ्यकर्मीहरु (पहिलो ब्याच) को लागि १ दिने अभिमुखिकरण तथा योजना तर्जुमा गोष्ठी सफलतापूर्वक सम्पन्न भएको छ । विशेष गरेर बागलुङ जिल्लामा रहेका ९ महिनादेखि ५ वर्षसम्मका सम्पूर्ण बालबालिकाहरुलाई दादुरा रुवेला रोग विरुद्बको खोप प्रदान गरी रोगको रोकथाम तथा नियन्त्रण गरी सन् २०२६ सम्ममा दादुरा रुवेला रोगको निवारण गर्ने र दादुरा रुवेला रोगको महापारी हुन नदिन तथा नियमित खोप सेवा सुदृढिकरण गर्ने उद्देश्य अनुरुप उक्त कार्यक्रम संचालन भएको थियो । स्वास्थ्य कार्यालय बागलुङका प्रमुख जनस्वास्थ्य प्रशासक आदरणीय श्री बाबुराम आचार्यको अध्यक्षतामा संचालित उक्त कार्यक्रमको संचालन स्वास्थ्य कार्यालय बागलुङका क्षयकुष्ठ निरिक्षक श्री देव प्रकाश घिमिरेले गर्नुभएको थियो । कार्यक्रममा प्रदेश स्वास्थ्य निर्देशनालयका जनस्वास्थ्य अधिकृत श्री विष्णु प्रसाद सुवेदीको विशेष उपस्थिति रहेको थियो र समसामायिक विषयमा विशेष सहजिकरण गर्नुभएको थियो । विशेष त स्वास्थ्य कार्यालय बागलुङका जनस्वास्थ्य प्रशासक श्री बाबुराम आचार्य, खोप सुपरभाइजर श्री राजु खत्री र बागलुङ नगरपालिकाका जनस्वास्थ्य अधिकृत श्री राम प्रसाद खनालले सहजिकरण गर्नुभएको उक्त कार्यक्रममा जैमिनी नगरपालिका, बरेङ गाउँपालिका र काठेखोला गाउँपालिकाका स्वास्थ्य शाखा प्रमुख, पालिका खोप फोकल पर्सन र स्वास्थ्य संस्थाका प्रमुखहरुको सहभागीता रहेको थियो ।
Download: दादुरा-रुबेला खोप अभियान सम्बन्धि अभिमुखिकरण सम्पन्न
86