हात्तीपाइले राेग निवारण सम्बन्धि जिल्ला स्तरीय याेजना तर्जुमा गाेष्ठि
स्वास्थ्य कार्यालय बागलुङकाे आयाेजनामा स्वास्थ्य कार्यालय प्रमुखकाे अध्यक्षता तथा जिल्ला समन्वय प्रमुखकाे प्रमुख आतिथ्यता निमित्त प्रमुख जिल्ला अधिकारी ज्युकाे विशेष उपस्थितिमा हात्तीपाइले राेग निवारण सम्वन्धि जिल्ला स्तरिय याेजना तर्जुमा गाेष्ठि सम्पन्न भएको छ। कार्यक्रममा स्थानिय तह प्रमुख/उप प्रमुख, प्रमुख प्रशासकिय अधिकृत, स्वास्थ्य संयाेजक अस्पतालका मेसु तथा स्वास्थ्यकर्मि , पत्रकारहरुकाे उपस्थिति रहेकाे थियाे। इडिसीडिबाट र स्वास्थ्य निर्देशनालयबाट सहजिकरण गर्नुभएकाे कार्यक्रममा स्वास्थ्य कर्यालयका तथ्याङ्क अधिकृत घनश्याम सापकाेटाले उद्घाेषण गर्नु भएकाे थियाे। कार्यक्रममा सम्पुर्ण सहभागीहरुले यस अभियानलाई कसरी सफल बनाउन सकिन्छ सो कुरामा सबैको सक्रिय सहभागिता रहने प्रतिवद्दता व्यक्त गर्नु भएको थियो। कार्यक्रममा विवाइसी वागलुङ (फेयरमेड) काे सहयाेग रहेकाे थियाे।
न्युज कभरेज: ईपरी न्यूज, बागलुङ ।
१३ औँ पटकसम्म आम औषधी सेवन अभियान चलाउँदा समेत बागलुङमा हात्ती पाईले रोग नियन्त्रण नभएपछि १४ औँ पटक अभियान चलाईने भएको छ । आगामी फागुन ११ गतेदेखि आम औषधी सेवन अभियान चलाईनेछ । त्यसको तयारी स्वरुप स्वास्थ्य कार्यालय बागलुङले बुधबार राष्ट्रिय हात्ती पाईले रोग निवारण सम्बन्धी जिल्ला स्तरीय योजना तर्जुमा गोष्ठी सम्पन्न गरेको छ । गोष्ठीमा बोल्दै जिल्ला समन्वय समिति बागलुङका प्रमुख अमर थापाले यो अभियानलाई अब अन्तिम अभियान बनाउन सबै पक्ष लाग्नु पर्नेमा जोड दिए । ‘हामीहरु अब १४ औँ पटक अभियान चलाउँदै छौँ, १५ औँ पटक अभियान चलाउन नपर्ने गरि काम गरौँ’ उनले भने–‘त्यसको लागि जनप्रतिनिधिको महत्वपूर्ण भूमिका हुन्छ मसिनो गरि लागौँ र हात्ती पाईले रोग निमिट्यान्न पारौँ ।’ उनले नेपाली समाजमा रहेका केही परम्परागत धाराणका कारण समुदायका सबै जनालाई औषधी खुवाउने कार्य कठिन भए पनि सम्भव हुने बताए । त्यसको लागि भोट माग्न जनताकोमा पुगे जस्तै औषधी सेवन गराउन पनि घरदैलोमा पुग्नु पर्ने बताए । गलकोट नगरपालिका प्रमुख भरत शर्मा गैरेले हात्ती पाईले रोग विरुद्धको औषधी सेवन अभियानमा स्वास्थ्यकर्मीहरुसँगै रहने बताए । ‘यो अभियानमा हामीहरु स्वास्थ्यकर्मीहरुसँगै रहनेछौँ र कुनै समस्या आईपरे समाधान गर्न लाग्नेछौँ’ उनले भने–‘हामीले जनतालाई रोगको गाम्भीर्यता बारे पनि सचेत गराउनु पर्छ ।’ बागलुङका सहायक प्रमुख जिल्ला अधिकारी गणेश प्रसाद पौडेलले हात्ती पाईले रोग उन्मुलनको लागि अभियान थालिने बताउँदै निर्धक्कसँग हात्ती पाईले विरुद्धको औषधी सेवन गर्न आग्रह गरे । ‘मैले १३ औँ पटक नै औषधी सेवन गरेको छु, राज्यले हात्ती पाईले रोग उन्मुलन गर्ने अभियान थालेको हो, मान्छे मार्ने विष दिएको होईन ।’ उनले भने–‘औषधीले केही असर गर्दैन सबैले निर्धक्कसँग औषधी सेवन गर्नु होला ।’ कार्यक्रममा ढोरपाटन नगरपालिकाका प्रशासकीय अधिकृत विष्णु प्रसाद ज्ञवालीले मन्तव्य व्यक्त गरेका थिए । ईडिसिडी (इपिडिमियोलोजी तथा रोग नियन्त्रण महाशाखा)का उत्तम प्याकुरेलले आम औषधी सेवन अभियानमा प्रयोग गरिने औषधी, उत्तम कोईरालाले हात्ती पाईले रोग निवारण कार्यक्रमको अवस्था अन्तराष्ट्रिय, राष्ट्रिय र क्षेत्रीय अवस्था लगायतका विषयमा सहजिकरण गरेका थिए । हात्ती पाईलेको औषधीहरुबाट हुन सक्ने अवान्छित घट्ना, आम औषधी सेवन अभियानमा प्रयोग गरिने अभिलेख तथा प्रतिवेदन, जिल्ला तथा स्थानीय स्तरमा गर्नु पर्ने पूर्व तयारी, आम औषकी सेवन अभियानको सुक्ष्म योजना लगायतका विषयमा सहजिकरण गरिएको थियो । यस पटकको अभियानमा कोही पनि नागरिक हात्ती पाईले रोग विरुद्धको औषधी सेवनबाट नछुटोस भन्नको लागि औषधी सेवन गरेका व्यक्तिको नङमा मसि लगाईने छ । औषधी सेवन गरिसकेका व्यक्तिको पहिचानको लागि नङमा मसि लगाउने, घरको भित्तामा लेख्ने र कार्ड उपलब्ध गराईने छ । त्यसले औषधी खाए वा नखाएका व्यक्तिको पहिचान हुने र औषधी खुवाउन सजिलो हुने छ । अभियानको क्रममा माईकिङ समेत गरिने छ । स्वास्थ्य कार्यालय बागलुङका प्रमुख प्रविण शर्माको अध्यक्षतामा सम्पन्न कार्यक्रममा स्वागत मन्तव्य जनस्वास्थ्य निरीक्षक लक्ष्मी शर्मा र सञ्चालन घनश्याम सापकोटाले गरेका थिए ।
Download: हात्तीपाइले राेग निवारण सम्बन्धि जिल्ला स्तरीय याेजना तर्जुमा गाेष्ठि
49