जैमिनिमा पूर्णखोप सम्बन्धि समिक्षा तथा अभिमुखीकरण
स्वास्थ्य कार्यालय बागलुङको आयोजना र जैमिनी नगरपालिकाको समन्वय र सहकार्यमा संचालित पालिका स्तरमा पूर्ण खोपको समीक्षा तथा पूर्ण खोप दिगोपना र सरसफाई प्रवर्द्धन सम्बन्धी अभिमुखिकरण एवं योजना तयारी गोष्ठी कार्यक्रम सम्पन्न भएको छ। जैमिनी नगरपालिकाको नगर प्रमुख श्री नर बहादुर पुन ज्यूको अध्यक्षतामा संचालित उक्त कार्यक्रममा पालिकाका नगर उप प्रमुख श्री हरिहर शर्मा, निमित्त प्रमुख प्रशासकीय अधिकृत श्री खेम प्रसाद आचार्य, वार्ड अघ्यक्ष ज्यूहरू, पालिका खोप समन्वय समिति पदाधिकारी ज्यूहरू, स्वास्थ्य संस्था प्रमुखहरूको उपस्थिति रहेको थियो । समसामायिक विषयमाथि प्रकाश पार्दै नगरपालिकाका स्वास्थ्य शाखा प्रमुख तथा जनस्वास्थ्य अधिकृत श्री गोविन्द आचार्य ज्यूले स्वागत मन्तव्य राख्नु भएको उक्त कार्यक्रमको सहजिकरण स्वास्थ्य कार्यालय बागलुङका खोप सुपरभाइजर श्री राजु खत्रीले गर्नुभएको थियो भने कार्यक्रम संचालन जैमिनी नगरपालिकामा कार्यरत पालिका खोप फोकल पर्सन तथा जनस्वास्थ्य निरीक्षक श्री तिर्थ पौडेलले गर्नु भएको थियो । त्यसैगरी शुभकामना मन्तव्यको क्रममा नगर प्रमुख पुनले पालिकाभित्र रहेका सम्पूर्ण बालबालिकाहरुलाई पूर्ण खोप दिलाउने जिम्मेवारी जनप्रतिनिधि तथा स्थानीय तहको हो भने गुणस्तरीय र प्रभावकारी खोप दिने दायित्व स्वास्थ्यकर्मीहरुको रहेको बताउनुभएको थियो भने उप प्रमुख शर्माले खोप लगायत स्वास्थ्यका विभिन्न अभियान तथा कार्यक्रममा राज्यको प्रशस्त लगानी रहेको हुँदा त्यसको मर्म अनुसार हामी सबैले आफ्नो दायित्व निर्वाह गरेमा मात्र कार्यक्रमले सफलता पाउने र कार्यक्रमको उद्देश्य पुरा हुने बताउनु भएको थियो ।
Download: जैमिनिमा पूर्णखोप सम्बन्धि समिक्षा तथा अभिमुखीकरण
48