स्वास्थ्य प्रोफाइल निर्माणको निम्ति बरेङ गा.पाका स्वास्थ्यकर्मीहरु नागरिकका घरघरमा पुग्दै
स्वास्थ्य कार्यलय बागलुङको आयोजनामा, बरेङ गाउँपालिकामा जनप्रतिनिधि तथा स्वास्थ्यकर्मीहरुको लागी पारिवारीक स्वास्थ्य प्रोफाईल सम्बन्धी अभिमुखीकरण सम्पन्न भएको छ। कार्यक्रममा स्वास्थ्य कार्यलय बागलुङका प्रमुख प्रविण शर्मा, तथ्यांक अधिकृत घन्श्याम सापकोटा, पालिकाका अधक्ष्य, उपाध्यक्ष, प्रमुख प्रशासकीय अधिकृत तथा अन्य प्रतिनिधिको उपस्थिति रहेको थियो। कार्यक्रममा जिल्ला बाट अनुगमनका क्रममा बरेङ गाउँपालिका पुग्नुभएका प्रमुख जिल्ला अधिकारी रोशनी कुमारी श्रेष्ठको ज्युको पनि विशेष उपस्थिति रहेको थियो भने कार्यक्रमलाई स्वास्थ्य निर्देशनालय, गण्डकी प्रदेश का तथ्यांक अधिकृत दिवाकर शर्मा तथा प्रविण भण्डारीले सहजीकरण गर्नुभएको थियो।
गण्डकी प्रदेशमा स्वास्थ्य प्रोफाईल निर्माण गर्न बागलुङ जिल्लाअन्तर्गत बरेङ गाँउपालिका प्रथम छनोटमा परेपछि पालिकाभरिका सबै स्वास्थ्य सस्थाले आआफ्नो वडामा यहि फागुन २८ गते देखि चैत्र २० सम्म घरधुरी सर्बेक्षण तथा स्वास्थ्य सम्बन्धी पारिवारिक तत्थ्याङक संकलन गर्न नागरिकका घरघरमा पुग्ने गरी मिति तय गरिएको बरेङ गाँउपालिकाका जनस्वास्थ्य निरिक्षक पदम बहादुर पुनले बताउनु भयो । बरेङ गाँउपालिकाको स्वास्थ्य प्रोफाईल निर्माण योजना अनुसार स्वास्थ्यकर्मीहरु घरधुरी सर्बेक्षण तथा स्वास्थ्य सम्बन्धी पारिवारिक तत्थ्याङक संकलन गर्न पालिकाभरिका ५वटै वडाका स्वास्थ्य सस्थाहरुले कार्ययोजना बनाएर नागरिकका घरदैलोमा पुग्न लागेको बताउदै नागरिकलाई सहि तत्थ्याङक उपलब्ध गराईदिन बरेङ गाँउपालिकाका प्रमुख प्रशासकिय अधिकृत जित बहादुर रानाले बताउनु भयो ।
.jpg)
Download: स्वास्थ्य प्रोफाइल निर्माणको निम्ति बरेङ गा.पाका स्वास्थ्यकर्मीहरु नागरिकका घरघरमा पुग्दै
37